Plastik Kartların bir növü olan 3-lü kartlar ölkəmizdə hələ yeni-yeni istifadə olunmağa başlanıb. 3-lü kartlar standart plastik kartlardan ölçüsünə və sayına görə fərqlənir. Belə ki, standart bir kartdan 3 ədəd kiçik ölçüdə istehsal olunur. Funksionallıq baxımından standart plastik kartlardan fərqlənmirlər.  3-lü Kartlardan bonus, hədiyyə, klub, müştəri kartları və s. kimi istifadə edilir. Bu kartı sifariş verənin istəyindən asılıdır. 3-lü Kartın digər kartlardan faydaları ondan ibarətdir ki, bu kartdan istifadə edən firmalar, mağazalar, supermarketlər  bir müştərisinə 3-lü kart təqdim edərək demək olar ki, o müştərisini ailəsi ilə birgə özünə bağlayır və daimi müştərisinə çevirir. Çünki bu kartlar ailə üzvlərinə paylanılır və hansı ailə üzvü firmaların, marketlərin və s. xidmətindən istifadə etsə həmin bonuslar bir  hesaba toplanır. Bu kartlar ailədə bir fərdin yadından çıxıb evdə qalsa da digərlərindən birində mütləq olacaq. 3-lü kartlar quruluşuna görə açarlıq kimi də istifadə  edilə bilər. Bu da kartların daşınmasını çox asan edir. Pul qabınızda artıq yer tutmur.